عيد ميلاد منتدانا الاول

موضوع: عيد ميلاد منتدانا الاول 2008-05-15, 1:02 pm

كل سنة وانتم طيبين بمناسبة مرور عام على منتدانا ياريت كل واحد يدخل ويقول ازاى دخل المنتدى واتعرف عليه ازاى وكان ايه وبقى ايه وايه الموضوع اللى اثر فيه قووووى وايه اللى حببه فى المنتدى كدا يعنى

كل سنة وانتم طيبين

_________________

كل سنة وانتم طيبين ... اجمل تهنئة بمولدنا الاول ما اجمل ان ترى ابنك يكبر امامك يوما وراء يوم انها لحظات سعادة يشعر ويحس بها كل اب وام ... كم انا سعيد وانا احتفل معكم بعيد ميلاد منتدانا الاول وانا اتعرفت عليه عن طريق دعوة من توتا ثم اليصابات لاننا كنا مشتركين فى منتدى اخر ومن هنا تم التعارف وارتبطت بالمنتدى0

كل عام وانتم بخير وعقبال مليووووووووووون سنة

كل سنة وانتم طيبين
صبحى

وانت طيب يا صبحى بجد احنا مبسوطين جدا لانك معانا

انا شخصياً كنت بعمل سيرش على منتديات مسيحية ولقيت المنتدى دا اسمه شدنى جدا حبيت ادخل وفعلا سجلت نفسى فيه وكانت اول مشاركة ليا فى قسم المرأة نزلت 3 مواضيع واحد للمراة والتانى المطبخ والتالث لاناقة الرجل واتفجأت تانى يوم انى مشرفة القسم دا ازاى مش اعرف بس عرفت بعدها من تونى هو ممكن يقولكم على السر دا

طولت عليكم

كل سنة وانتم وكل سنة ومنتدانا للافضل

_________________

وانت طيبة اليصابات
_________________
ابن يسوع
sobhy fathy

كل سنة وانتوا طيببين عدت سنة كاملة علي منتدانا سنة كان فيها عدو الخير بيحاربنا كتير ماكنشي رايد ان عمل ربنا يكمل لكن كلمة ربنا كملناها وانتصرنا علي عدو الخير المنتدي دا غير فيا حاجات كتير قربني لناس وعرفني مش كنت اعرفهم فهمت كتير من معاني الحياة كنت بفرح وقت ما ارجع وادخل المنتدي وقت سفري وغربتي وقتماعرفت ان عدو الخير وقع المنتدي مش هقولكم اني مشيت 2 كيلو وسط صحرا علشان اوصل للواحة وهناك وصلت للنت علشان اقدر انقذ ابني الغالي منتداي وربنا تمجد ولحقته ورفعناه تاني وربنا مبارك في كلمته دا لو حتي مش فيه اعضاء بالكترة انا بشكر ربنا علي روح الشركة والمحبة والخدمة اللي كل واحد منكم بيقدمها للمنتدي عدت سنة
أعضاؤنا قدموا 6715 موضوع في هذا المنتدى

دا اكتر حاجة نفرح بيها كنز موجود في المنتدي وبنكنزه عند المسيح كتير من مواضيع غيرت حاجات فينا
اوقات ضيق كنا بندخل فيها المنتدي واد ايه بنرتاح
علشان حاجة واحدة ربنا مبارك في عمله وفي الناس اللي جايبلنا المواضيع
مش هطول اكتر من كدة بس فيه اشخاص
يستحقوا مني كل احترام وتقدير
اول مشرفة معانا
اختي اليصابات
ثاني مشرف معانا
اخي سامح موحة حبيب قلبي
وتوتا ربنا يعينها فمذكرتها
وبنت يسوع اللي وحشتنا
واخير وليس اخرا
صبحي
اللي شارك معانا كتير اوي بأراء ومواضيع جميلة جدا وعلشان كدا
مفاجاة خاصة لصبحي بمناسبة مرور سنة ع المنتدي وعدد مساهماته مشاركاته ف المنتدي
صبحي انت من حقك تبقي مشرف علي اي قسمين انت تختارهم في المنتدي
ميرسي كتير لكل من له جهد وتعب ويارب بارك في المنتدي ونحتفل بيه بعد 100 سنة يعني احفادنا يبقي يعيدو
كل سنة وانتم طيبين بالخير والفرحة متهنيين

_________________

وانت طيب يا تونى بجد انت زى العسل " اعتبرها معاكسة هههههه" والمنتدى دا بجد لولا تعبك معانا وتعبك فيه ماكنش وصل لكدا وطبعا محبت الاعضاء واننا كلنا اسرة واحد فيه واهم حاجة انك بتعمل فى الخفاء محدش شايف تعبك غير ربنا ربنا يباركك يا تونى بجد ويعطيل سئل قلبك

مبروك يا صبحى طبعا مقدما لغاية لما تختار القسم اللى انت حبه

ايه رأيك فى قسم المرأة " انت احسن شيف عندى

_________________

_________________