+++++
الرئيسية
من طرف واحد كان معاه ربع جنيه ففكر يعمل بيه ايه ؟
يشرب عصير قصب ولا يركب الاتوبيس فقال
لو ركبت الاتوبيس هيبقى فى حل من الاثنين
اما هعد او هقف
لو وقفت مش هيبقى فى اى مشكلة
لكن لو قعدت هيبقى فى حل من الاثنين
اما هعد جنب راجل او هعد جنب ست
لو قعدت جنب راجل مفيش مشكلة
لكن لو قعدت جنب ست هيبقى فى حل من الاثنين
اما هنعجب ببعض او مش هنعجب ببعض
لو ما اعجبناش ببعض مفيش مشكلة
لكن لو اعجبنا ببعض يبقى حل من الاثنين
اما هنتجوز او مش هنتجوز
لو متجوزناش مش مشكلة
لكن لو اتجوزنا هيبقى فى حل من الاثنين
اما هنخلف او مش هنخلف
لو مخلفناش مفيش مشكلة
لكن لو خلفنا يبقى حل من الاثنين
اما هنخلف ولد او هنخلف بنت
لو خلفنا بنت مفيش مشكلة
لكن لو خلفنا ولد هيبقى حل من الاثنين
اما هيستقيم او هينحرف
لو استقام مفيش مشكلة
لكن لو ادمن هيبقى فى حل من الاثنين
اما هيبقى معاه فلوس او معهوش فلوس
لو معاه فلوس مفيش مشكلة
لكن لو كان عايز فلوس يبقى حل من الاثنين
اما هيسرقنى او يقتلنى
لو سرقنى مفيش مشكلة
لكن لو قتلنى ........؟
يقتلنى!!!!!!! ......؟
لا يا عم انا اشرب عصير قصب احسن
