اختى توتا

الحمدلله انها وصلت
شكلى كده حظى وحش
مادام الله معنا فمن علينا
لانى بحس بجد بنصره كبيره فيها ليا

ميرسى قوى على اسئلتك يا ميكى

بص بقى انا اكتر حاجه مش بحبها هى خيانة الاصدقاء وبصراحه انا حصل لى ده كتير
وبتصدم فعلا لما الاقى انى صدقتى اللى حبيتها بجد وكنت بخاف عليها من اقل حاجه الاقيها بتجرحنى وبتخونى انا اكيد لما هتعمل كده هبقى عايشه معاها لكن جرحها جوايا بصراحه انا عمرى ما واحده جرحتنى وسيبتها لانى بجد مش بسهوله بعد ما احب حد انساه بس مش هتبقى مكانتها بالنسبه لى زى ما هى هبقى عارفه انى اتجرحت منها فى موقف معين فهيبقى صعب انى اصدقها فى النقطه اللى هى خدعتنى فيها
انت عارف ايه المشكله ان اى واحد بيقول لنا انكم لازم تختاروا الاصدقاء الصح بس ده مش بيبان الا بعد ما تعيش معاه فتره طويله تكون خلاص حبيته وبقى مهم بالنسبه لك
2- انت بخيل قوى ياميكى وردتين بس

بصراحه صعب قوى بس هتبقى ورده لكل اعضاء المنتدى قسموها على بعض بقى ههههههه بس قسمة عدل
وورده تانيه لاليصابات وواحده صديقتى بجد كل واحده فيهم نص
عاجبك كده الباقى هاعمل فيه ايه هههههههه وقعتنى فى ورطه

3- الصداقه بالنسبه لى معناها جنيل قوى هى الايد اللى بتتمد ليك فى وقت انت مش لاقى حد جنبك فيه
الايد اللى بتمسح دموعك فى وقت حزنك
الايد اللى بتتمد علشان تقومك لما تقع
هى انك تحس انك فى وقت مابتفكر فى صديقك هو كمان بيفكر فيك فى نفس اللحظه
الصداقه مسئوليه بس اجمل مسؤليه وبالذات لو كان عندك صديق بجد بتحس بيه وبيحس بيك

عادى اسأل براحتك بس فرحان قوى ان سامح قام بالواجب ههههههههه
ماشى ميرسى